Rusiya Gürcüstanla viza rejimini ləğv edə bilər

Gürcüstan və Rusiya arasındakı ticari-iqtisadi əlaqələr martın 16-da Praqada müzakirə olunacaq.

1news.az TASS-a istinadən xəbər verir ki, görüşdə Rusiya Federasiyası xarici işlər nazirinin müavini Qriqoriy Karasin və Gürcüstanın Rusiya ilə əlaqələri üzrə baş nazirinin xüsüsi nümayəndəsi Zurab Abaşidze iştirak edəcəklər.

Z.Abaşidze bildirib ki, görüşdə ticari, iqtisadi, nəqliyyat sahəsindəki konkret məsələlər və müəyyən humanitar problemlər müzakirə mövzusu olacaq.

Danışıqlarda həmçinin, Rusiya və Gürcüstan arası viza rejiminin sadələşdirilməsi məsələsinə də baxılacaq.

Z.Abaşidze hesab edir ki, Rusiya bu il Gürcüstanla viza rejimini ləğv edə bilər.

1news.az