Nadejda Savçenko Ukraynaya yola salınıb

Rusiyada məhkum olunan qalmaqallı ukraynalı hərbçi Nadejda Savçenko Rostov-na-Donu şəhərindən təyyarə ilə Kiyevə yola salınıb.

1news.az-ın Reuters-ə istinadla verdiyi xəbərə görə, N.Savçenko Ukrayna prezidentinin təyyarəsində Kiyevə çatdırılacaq.

N.Savçenkonun vətəninə qayıdışı Rusiya ilə Ukrayna arasında mübadilə əsasında baş tutub. Rəsmi Kiyev onun əvəzinə Donbassda döyüşlər zamanı həbs olunan, 14 il müddətinə məhkum olunmuş rusiyalı hərbçilər Yevgeni Yerofeyev və Aleksandr Aleksandrovu Moskvaya təhvil verəcək.

Y.Yerofeyev və A.Aleksandrovun Rusiya prezidentinin təyyarəsində Kiyevdən Moskvaya yola salındığı deyilir.

1news.az