Bir sıra ölkələrin prezidentləri İlham Əliyevə təbrik məktubu göndərib - YENİLƏNİB
Liberiya Respublikasının prezidenti Ellen Conson-Serlif Azərbaycan Prezidenti İlham Əliyevə 28 May - Respublika Günü münasibəti ilə təbrik məktubu göndərib.
1news.az dövlət başçısının saytına istinadla verdiyi xəbərə görə, məktubda deyilir:
“Zati-aliləri.
Milli bayramınız - Respublika Günü münasibətilə Sizə və Zati-alinizin şəxsində Azərbaycan xalqına və Hökumətinə Liberiya Respublikasının xalqı və Hökuməti adından və şəxsən öz adımdan ən səmimi təbriklərimi çatdırıram.
Azərbaycan xalqı milli bayramını qeyd etdiyi bir vaxtda bu təntənənin beynəlxalq sülhün və sabitliyin BMT-nin prinsiplərinə uyğun olaraq daha da inkişaf etdirəcəyinə dua edirik.
Əminik ki, Liberiya ilə Azərbaycan arasında mövcud olan ikitərəfli səmimi əlaqələr ölkələrimizin və xalqlarımızın əməkdaşlığını daha da gücləndirəcək.
Zati-aliləri, xahiş edirəm ən dərin ehtiramımı qəbul edin”.
Bundan əlavə, İsrailin prezidenti Reuven Rivlin də Prezident İlham Əliyevi təbrik edib:
“Hörmətli cənab Prezident.
Milli bayramınız - Respublika Günü münasibətilə Zati-alinizə və Azərbaycan xalqına İsrail xalqı adından və şəxsən öz adımdan davamlı inkişaf, rifah arzulayır, səmimi təbriklərimi çatdırıram”.
Monqolustanın prezidenti Saxiaqiyn Elbeqdorj, BMT-nin Ərzaq və Kənd Təsərrüfatı Təşkilatının (FAO) baş direktoru Joze Qratsiano da Silva və Mavritaniya İslam Respublikasının prezidenti Məhəmməd Uld Əbdüləziz, Rusiya Federasiyası İnquşetiya Respublikasının başçısı Yunusbek Yevkurov, “Mir” Dövlətlərarası Teleradio Şirkətinin sədri Radik Batırşin, Dominikan Respublikasının Prezidenti Danilo Medina, Rusiya Federasiyası Xarici Kəşfiyyat Xidmətinin direktoru Mixail Fradkov, Əlcəzair Xalq Demokratik Respublikasının Prezidenti Əbdüləziz Buteflika, Estoniya Respublikasının Prezidenti Tomas Hendrik İlves, Qaz İxrac edən Ölkələrin Forumunun baş katibi Seyid Məhəmməd Hüseyn Adeli, Küveyt Dövlətinin vəliəhdi Nəvvaf əl-Əhməd əl-Cabir əl-Səbah da Azərbaycan Prezidenti İlham Əliyevi 28 May - Respublika Günü münasibəti ilə təbrik edib.
1news.az
