Moskvada yazıçı Anarın məqalələr toplusunun təqdimatı keçirilib - FOTO

İyunun 14-də Moskvada Azərbaycan Yazıçılar Birliyinin sədri, Xalq yazıçısı Anarın yeni ikicildliyinin, eləcə də “Sizsiz” məqalələr toplusunun təqdimatı keçirilib.

Rusiyanın aparıcı nəşriyyatlarında  - “Bədii ədəbiyyat” və “Zaman” («Художественная литература» və «Время») nəşr olunan kitablarda yazıçının daha əvvəllər Moskvada nəşr olunmuş məşhur məqələləri ilə yanaşı, eləcə də yaxın zamanlardakı yaradacılıq nümunələri də yer alıb.

İkicidlikdə yazıçının “Ağ liman”, “Beşmərtəbəli evin altıncı mərtəbəsi”, “Ağ qoyun, qara qoyun”, “Otel otağı” və digər məşhur romanları, həmçinin Anarın “Gözə qarşı amulet” adlı yeni povesti də yer alıb.

“Sizsiz” məqalələr toplusunda eyniadlı roman, müxtəlif illərdə yazılmış məqalələr və “Gecə fikirləri” adlı məşhur esse də dərc olunub.

“Ocaq” cəmiyyəti tərəfindən təşkil olunmuş görüşdə Azərbaycan və Rusiya ictimai xadimləri, Rusiyanın məşhur jurnallarının redaktorları, məşhur ədəbi tənqidçilər, uzun illərdir Rusiyada Anarın yaradıcılığını izləyən və sevən pərəstişkarları iştirak ediblər.

Görüşdə Rusiya Rəssamlıq Akademisyasının vitse-prezidenti Tahir Salahov, “Ocaq” cəmiyyətinin sədri Tofiq Məlikli, “Xalqlar dostluğu” jurnalının baş redaktoru Aleksandr Ebonaidze, məşhur ədəbi tənqidçi Lyudmila Lavrova, Azərbaycanın Rusiyadakı Səfirliyinin məşləhətçisi Vüqar İmaməliyev və başqaları yazıçıya ürək sözlərini bildiriblər.

Çıxış edənlər nəşr olunan kitabların Rusiya üçün vacibliyini vurğulayaraq, Anarın yaradıcılığı ilə bağlı xatirə və təəssüratlaını bölüşüblər. Həmçinin onlar hər kəsin həyatında ədəbiyyatın vacib rol oynadığını da vurğulayıblar.

Müəllif sonda hər kəsə təşəkkürünü bildirib.

1news.az