Xaçmazda ağır qəza: sürücülərdən biri öldü, digəri xəstəxanalıq oldu

Xaçmaz rayonunda ölümlə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə ötən gün gecə saat 02:00 radələrində sözügedən rayonun Müzəffəroba kəndində qeydə alınıb.

Belə ki, rayon sakini Toğrul Məhərrəmovun idarə etdiyi “VAZ-21725” və Şəmkir rayon sakini Tural Qəmbərovun idarə etdiyi “Mercedes” markalı avtomobillər toqquşub.

Nəticədə T.Məhərrəmov hadisə yerində ölüb, digər sürüücü isə xəstəxanaya yerləşdirilib.

Faktla bağlı Baş İstintaq və Təhqiqat İdarəsi tərəfindən araşdırma aparılır.

1news.az