Əmircanda qadını maşınla vurub qaçan sürücü tutulub

İyunun 26-da saat 16:00 radələrində Suraxanı rayonunun Əmircan qəsəbəsində müəyyən edilməmiş avtomobillə yolu keçən Bakı şəhər sakini Nigar Xəlilova vurulub.

1news.az-ın Daxili İşlər Nazirliyinə istinadən verdiyi xəbərə görə, ona xəstəxanada ilkin tibbi yardım göstərildikdən sonra buraxılıb.

Suraxanı polisinin həyata keçirdiyi əməliyyat-axtarış tədbirləri ilə hadisəni törətməkdə şübhəli bilinən “VAZ-21114” markalı avtomobilin sürücüsü - Bakı şəhər sakini Rövşən Əliyev saxlanılıb.

Faktla bağlı Suraxanı Rayon Polis İdarəsi tərəfindən araşdırma aparılır.

1news.az