Azərbaycanlılar Türkiyə səfirliyinin qarşısına toplaşaraq qardaş ölkəyə yanında olduqlarını bildirdilər – VİDEO

Dünən İstanbulun Atatürk hava limanında ard-arda həyata keçirilən terror aktları çox sayda insanın həyatını itirməsi və müxtəlif dərəcədə xəsarət almasına gətirib çıxardı.

1news.az-ın verdiyi məlumata əsasən, bu acı xəbər Türkiyə xalqı ilə birgə Azərbaycan xalqını da sarsıtdı.

Bu gün Azərbaycanda yerləşən Türkiyə səfirliyinin önünə toplaşan vətəndaşlarımız qardaş ölkənin kədərini bölüşüb və daim onun yanında olacaqlarını bildiriblər.

Toplaşan insanlar səfirliyin önünə qərənfil qoyaraq mərhumların ruhuna dua oxuyublar.

İnsanlar “Var olsun Türkiyə!”, “Biz həmişə Türkiyənin yanındayıq!” kimi şüarlar səsləndirib.

Video: AZƏRTAC

1news.az

​