Azərbaycanlı pauerlifter Avropa çempionu oldu - FOTO

Böyük Britaniyanın Stouk-on-Trent şəhərində keçirilən Pauerliftinq üzrə Avropa çempionatında gərgin mübarizəyə və ciddi zədələrə baxmayaraq soydaşımız Fərəc Cəlilov birinci yerə layiq görülüb.

1news.az –ın verdiyi məlumata əsasən, Fərəc ölkəmizi 90 kq çəki dərəcəsində təmsil edərək “squat” hərəkətində 250 kq, “bench-press”-də - 190 kq, “deadlift”-də isə 310 kq qaldırıb.

750 kq ümumi nəticə ilə Azərbaycan bayrağını fəxri kürsünün ən yüksək pilləsində ucaldıb.

Qeyd edək ki, yarışda 22 ölkə, 500-ə yaxın idmançı iştirak edib.

Azərbaycan Pauerliftinq yığmasının üzvü Fərəc Cəlilov 2012-ci ildə gənclər arası Pauerliftinq üzrə hətta Mütləq Avropa və Dünya Çempionu titulunu qazanmışdır və Dünya rekorduna imza atmışdır.

1news.az