ATƏT sədri Azərbaycanda səfərdədir

Bu gün Cənub Qafqaz bölgəsinə səfəri çərçivəsində ATƏT-in hazırkı sədri olan Almaniyanın xarici işlər naziri Frank-Valter Ştaynmayer Azərbaycana gəlib.

1news.az-ın verdiyi məlumata əsasən, Ştaynmayerin xarici işlər naziri Elmar Məmmədyarovla təkbətək görüşü olub, görüşdən sonra isə nazirlərin iştirakı ilə  birgə mətbuat konfransı keçirilib.

Bundan əlavə almaniyalı diplomat Bakının Ramana qəsəbəsində yerləşən Şuşa şəhərciyində azərbaycanlı məcburi köçkünlərlə görüşüb.

Xatırladaq ki, daha öncə Ştaynmayer Ermənistanda olub. Sabah isə onun Gürcüstana səfər edəcəyi gözlənilir.

1news.az