Qubada “QAZel”lə “BMW” toqquşub: ölən və yaralananlar var

Quba rayonunda ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 16:00 radələrində Quba şəhərində qeydə alınıb.

Belə ki, rayon sakini Nazim Əzizovun idarə etdiyi “QAZel” və Bakı şəhər sakini Çingiz Qaraçayevin idarə etdiyi “BMW” markalı avtomobillər toqquşub.

Nəticədə Ç.Qaraçayevin sərnişinlərindən Şərur rayon sakini Vahid Heydərov hadisə yerində ölüb, özü və digər 1 sərnişini, habelə N.Əzizov və 4 sərnişini xəstəxanaya yerləşdiriliblər.

Faktla bağlı Quba Rayon Polis Şöbəsi tərəfindən araşdırma aparılır.

1news.az