Könüllülər Parlamenti öz işinə başladı – FOTO

Prezident yanında Qeyri-Hökumət Təşkilatlarına Dövlət Dəstəyi Şurasının maliyə dəstəyi, “ASAN Könüllüləri” təşkilatının təşkilati dəstəyi ilə “Könüllülər Parlamenti – Azərbaycan” layihəsinin açılış mərasimi baş tutub.

1news.az-ın məlumatına görə, Daşkəsən rayonunda yerləşən Gənclərin təlim və istirahət mərkəzində baş tutan açılış mərasimində “ASAN Könüllüləri” Təşkilatının sədri Bəxtiyar İslamov  layihənin məqsədi, ideyasıyla bağlı açılış nitqi söyləyib.

Daha sonra  Azərbaycan Respublikası Milli Məclisinin Hüquq siyasəti və  dövlət quruculuğu  komitəsinin sədr müavini, Azərbaycan Respublikası Milli Məclisinin deputatı Rövşən Rzayev çıxış edib. Millət vəkili belə bir layihənin gənclər tərəfindən irəli sürülmüş gözəl bir təşəbbüs olduğunu bildirib. Gənclərin belə layihələrdə iştirakının həm şəxsi inkişafına həm də karyera həyatında uğur qazanmasına səbəb olduğunu qeyd edən millət vəkili daha sonra gənclərə ölkədə aparılan gənclər siyasəti, ölkə və ordu quruculuğu barədə geniş məlumat verib.

Layihənin birinci günündə gənclər və idman nazirinin müavini İntiqam Babayev gəcnlərlə görüş keçirib. Layihə və layihə iştirakçılarına uğurlar arzulayan  nazir müavini ölkəmizdə gənclər və idman sahəsində  aparılanmühüm islahatlar və bu islahatların verdiyi töhfələrdən danışıb.

Qeyd edək ki, layihənin əsas məqsədi gəncliyin vətandaş mövqeyini konstuktiv şəkildə bildirməsinin stimullaşdırmaqdır.

Bildirək ki, “Könüllülər Parlamenti” layihəsi Azərbaycan Respublikası Milli Məclisinin simulasiya formatında təşkil olunacaq. Layihə iştirakçısı olan “Könüllü deputatlar” müxtəlif komitələr tərkibində  Azərbaycandakı qeyri-neft sektorunun başlıca istiqamətləri, təhsil, sənayə, energitika üçün mövcud imkanlar, Azərbaycandakı QHT-lərin xarici ölkə QHT-lərindən əsas fərqləndirici amilləri,problemlərin aradan qaldırılması yolları və s. kimi mövzuları müzakirə edəcək və bu mövzular ətrafında qanun layihəsi hazırlayacaqlar.

1news.az