Cəlilabadda ağır qəza: sürücülər öldü, iki sərnişin xəstəxanalıq oldu

Cəlilabad rayonunda ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 19:00 radələrində sözügedən rayonun Mollalı kəndində qeydə alınıb.

Belə ki, rayon sakinləri Həbulla İbrahimovun idarə etdiyi “VAZ-2107” və Telman Ağayevin idarə etdiyi “Lada Priora” markalı avtomobillər toqquşub.

Hər iki sürücü xəstəxanaya aparılarkən yolda ölüb, H.İbrahimovun 2 sərnişini xəstəxanaya yerləşdirilib.

Faktla bağlı Cəlilabad Rayon Polis Şöbəsi tərəfindən araşdırma aparılır.

1news.az