Ana 2 yaşlı uşağını yarım ay ac-susuz buraxıb

Rusiyanın Xabarovsk vilayətində 2 yaşlı uşağını 2 həftə boyunca ac susuz saxlayan yerli sakin barədə cinayət işi qaldırılıb.

1news.az-ın Rusiya KİV-lərinə istinadən verdiyi məlumata əsasən, acından arıqlayıb pis hala düşən uşaq qonşular tərəfindən tapılıb.

Uşağı aşkar edən qonşular polis çağırıblar.

Məlum olub ki, ana uşağı evdə qoyub 2 həftə öncə evi naməlum istiqamətdə tərk edib.

Ana valideynlik hüququndan məhrum edilib.

Uşaq hal-hazırda himayədar ailədədir, onu həyatına heç bir təhlükə yoxdur.

1news.az