İstirahət mərkəzində kvadrotsikl sürən şəxs öldü

Tovuz rayonunda ölümlə nəticələnən bədbəxt hadisə baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən sözügedən rayonun Əsrik Cırdaxan kəndində yerləşən istirahət mərkəzində qeydə alınıb.

Belə ki, orada istirahət edən Eyvaz Həsənov icarəyə götürdüyü kvadrotsikli idarə edərkən yıxılıb.

Xəstəxanaya yerləşdirilmiş E.Həsənov orada dünyasını dəyişib.

Faktla bağlı araşdırma aparılır.

1news.az