İran beynəlxalq banklarla əməkdaşlıq uğrunda mübarizə aparır

Cari ilin yanvar ayında nüvə proqramı ilə bağlı sanksiyaların İranın üzərindən götürülməsinə baxmayaraq dünyanın iri bankları ölkədən yan gəzməyə davam edirlər.

1news.az-ın xarici KİV-lərə istinadən verdiyi məlumata əsasən, buna səbəb bankların İran üzərində qalmış sanksiyalara görə cərimələnməkdən çəkinmələridir.

Qeyd edək ki, bundan əvvəl İranın prezidenti Həsən Ruhani İslam Respubliksaının hökümətinin ABŞ barəsində Beynəlxalq cinayət məhkəməsinə şikayət etdiyini bildirib.

Buna səbəb kimi ABŞ-ın İranın mərkəzi bankından təqribən 2 milyard dollar məbləğində vəsaitin konfiskasiya etdiyi və oğurladığı göstərilir.

Ruhani, İran xalqının hüquqları bərpa olunanadək bu məsələni nəzarətdə saxlayacağını deyib.

1news.az