Şəmkir sakini toyda 4 həmyerlisini bıçaqladı

Şəmkir rayonunda keçirilən toyların birində bıçaqlanma hadisəsi baş verib.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, iyulun 17-də Şəmkir rayonunun Bayramlı kəndində keçirilən toy məclisində kənd sakini Pərvin Kərimov münaqişə zəminində həmkəndliləri Mahmud Mahmudova, Rza Rzalıya, Seyhun Cəfərova və qardaşı Nicata bıçaqla xəsarət yetirib.

Şəmkir Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində P.Kərimov tutulub.

1news.az