İngiltərədə baş verən atışmada 3 nəfər həlak olub - FOTO

İngiltərənin Linkolnşir qraflığında baş verən atışma nəticəsində hücum edən şəxs də daxil olmaqla 3 nəfər həlak olub.

1news.az-ın TASS-a istinadla verdiyi xəbərə görə, insident Spoldinq şəhərindəki idman kompleksinin yaxınlığında baş verib.

“Biz odlu silahın istifadə olunması nəticəsində hücum edən şəxs də daxil olmaqla 3 nəfərin həyatını itirdiyini təsdiq edə bilərik. Hadisə ilə bağlı tədqiqata başlamışıq”, - deyə polis nümayəndəsi bildirib. O həmçinin polisin xidməti silahdan istifadə etmədiyini bildirib.

Hadisə yerində terror izinə rast gəlmədiklərini deyən polis yerli əhalini də qətlin baş verdiyi ərazidən kənar durmağa çağırıb.

1news.az