Binəli Yıldırım: Türkiyə-Azərbaycan-Gürcüstanın əməkdaşlıq mexanizmi regionda sülh və təhlükəsizliyə imkan yaradır
Ankara tezliklə Türkiyə, Azərbaycan və Gürcüstan prezidenlərinin ikinci sammitinin keçirilməsini istəyir.
“Türkiyə-Azərbaycan-Gürcüstanın üçtərəfli əməkdaşlıq mexanizmi regionda sülh və təhlükəsizliyə imkan yaradır. Biz yaxın zamanlarda Azərbaycanda prezidentlərinin ikinci sammitinin keçirilməsini istəyirik”, - bunu Türkiyənin Baş naziri Binəli Yıldırım gürcü həmkarı Georgi Kvirikaşvili ilə birgə keçirilən mətbuat konfransında bəyan edib, Yeniakit məlumat yayır.
Yıldırım qeyd edib ki, Azərbaycan və Gürcüstanın güclənməsi, eləcə də Bakı-Tbilisi-Qars layihəsinin əhəmiyyəti regionda sülh və təhlükəsizliyə imkan yaradır.
Türkiyənin Baş naziri öz çıxışında bir daha Dağlıq Qarabağ münaqişəsi məsələsinə toxunub.
O, qeyd edib ki, 3 ay öncə Türkiyə tərəfi qoşunların təmas xəttində vəziyyətin gərginləşməsilə bağlı narahatlığını ifadə edib:
“Biz münaqişənin Azərbaycanın ərazi bütövlüyü çərçivəsində həll olunmasının tərəfdarı olduğunu bəyan etdik”.
“Son zamanlar regionda terror hallarının artmasını qeyd edirik ki, bu da beynəlxalq qüvvələrin terrorla mübarizəsinin vacibliyini bir daha nümayiş etdirir”, - B.Yıldırım vurğulayıb.
1news.az
