Çavuşoğlu Azərbaycanın Türkiyəyə dəstəyindən danışdı

“Hərbi çevrilişə cəhd baş verdikdən dərhal sonra Azərbaycandan bizə güclü dəstək gəldi. Azərbaycan bu dəstəyi təkcə telefonla deyil, həm də atdığı addımlarla göstərdi. Bir millət olmağı şərtləndirən də məhz budur”.

1news.az APA-ya istinadən xəbər verir ki, bu sözləri Türkiyənin xazrici işlər naziri Mövlud Çavuşoğlu “Habertürk” televiziyasına müsahibəsi zamanı bildirib.

Nazir həmçinin, deyib ki, son zamanlar Azərbaycanın işğal edilmiş torpaqları ilə bağlı təmaslar intensivləşib:

“Rusiyanın bu məsələ ilə bağlı ciddi çalışmaları, Minsk qrupu həmsədrlərinin təşəbbüsləri var. Bəzi təkliflər oldu. Bunların içərisində Azərbaycanın qəbul edəcəyi təkliflər də var. Biz Azərbaycanın qəbul etdiyi bütün təklifləri dəstəkləyəcəyimizi bildirmişik”.

1news.az