Beyləqan sakini tüfənglə özünü çənəsindən vurdu

Beyləqanda bədbəxt hadisə baş verib.

1news.az Daxili İşlər Nazirliyinin (DİN) saytına istinadən xəbər verir ki, iyulun 31-də Beyləqan şəhərində yaşayan Qəhrəman Qəhrəmanov ov tüfəngi ilə ehtiyatsız davrandığından açılmış atəşdən çənə nahiyəsindən xəsarət alıb.

O, xəstəxanaya yerləşdirilib.

Beyləqan RPŞ əməkdaşları tərəfindən hadisə yerindən müvafiq sənədləri olan “İJ-16” markalı ov tüfəngi götürülüb.

Faktla bağlı araşdırma aparılır.

1news.az