Taksi sürücüsünü döydü, avtomobili qaçırdı

Şirvan sakini taksi sürücüsünü döyüb.

1news.az Daxili İşlər Nazirliyinin (DİN) saytına istinadən xəbər verir ki, avqustun 3-də Bakı şəhərində naməlum şəxs Şirvan şəhər sakini İlqar Xankişiyevin idarə etdiyi “Lada Priora” markalı avtomobilə sərnişin qismində oturub Salyan rayonuna gedəcəyini bildirib.

Məlumata görə, həmin şəxs rayonun Sarıcalı kəndində İlqar Xankişiyevi döyərək avtomobildən düşürüb və avtomopbili qaçırıb.

Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Şirvan şəhər sakini Rəfayel Abbasov Şirvan şəhəri ərazisində tutulub, avtomobil isə sahibinə qaytarılıb.

1news.az