İmişlidə “Range Rover” aşdı, sürücü öldü

İmişli rayonunda bir nəfərin ölümü ilə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 19:00 radələrində rayonun Allahmədətli kəndində qeydə alınıb.

Belə ki, Bakı şəhər sakini Anar Hüseynov idarə etdiyi “Range Rover” markalı avtomobili aşırıb.

Xəstəxanaya yerləşdirilmiş sürücü orada dünyasını dəyişib.

Faktla bağlı İmişli Rayon Polis Şöbəsi tərəfindən araşdırma aparılır.

1news.az