Aralarında 4 nəfər azyaşlının da olduğu oğru dəstə ələ keçdi

Polis aralarında 4 azyaşlı uşağın olduğu oğru dəstənin üzvlərini saxlayıb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, avqustun 4-də Binəqədi rayonunun Novxanı qəsəbəsindəki dəniz çimərliyində Abşeron rayon sakini Rəhimə Qasımovaya məxsus içərisində 50 manat pul, 2 ədəd mobil telefon və şəxsiyyət vəsiqəsi olan çanta oğurlanıb. 

Binəqədi polisinin həyata keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən Sumqayıt şəhər sakinləri Mirhikmət Həmidov və onunla birlikdə olan 4 nəfər azyaşlı saxlanılıb.

1news.az