Tailanddakı kurortda partlayışlar baş verib: həlak olanlar var – FOTO

Tailandın tanınmış Hua Hin kurortunda baş verən iki partlayış nəticəsində üç nəfər həlak olub. Tərkibində əsasən əcnəbilərin olduğu 35 nəfərin yaralandığı da bildirilir.

1news.az-ın RİA Novosti-yə istinadla verdiyi xəbərə görə, partlayışlar Tailandın mərkəzi hissəsində, Banqkokun cənubunda yerləşən sahil kurortundakı əyləncə sahəsində avqustun 11-də yerli vaxtla gecə saat 23 radələrində törədilib.

Partlayışların əsasən əcnəbilərə qarşı törədildiyi bildirilir. Həmin rayonda əcnəbi turistlər arasında populyarlığı ilə seçilən restoranlar və barlar yerləşir.

1news.az