Bu il Azərbaycanda mobil telefon rabitəsindən əldə edilən gəlir açıqlanıb

Bu ilin yanvar-iyul ayları ərzində Azərbaycanda informasiya və rabitə müəssisələri 955,7 mln. manatlıq xidmət göstərib.

1news.az xəbər verir ki, bu barədə Dövlət Statistika Komitəsindən (DSK) məlumat verilib.

Komitədən bildirilib ki, onun da 72,1%-i əhali tərəfindən istehlak olunub.

2015-ci ilin eyni dövrü ilə müqayisədə informasiya və rabitə xidmətlərinin dəyəri real ifadədə 12,5% artıb, bu sahədə əldə edilmiş gəlirin 81,9%-i qeyri-dövlət sektorunun payına düşüb.

Xidmətlərdən əldə edilən gəlirin 48,9%-i və ya 467,2 mln. manatı mobil telefon rabitəsi sahəsində formalaşıb.

1news.az