“Qarabağ”la “Qəbələ”nin Avroliqa oyunları üçün hahim təyinatları açıqlandı
Avropa Liqasında qrup mərhələsinin V turunun hakim təyinatları açıqlanıb.
1news.az-ın məlumatına görə, turnirdə ölkəmizi təmsil edən “Qarabağ” və “Qəbələ”nin də oyununu idarə edəcək hakimlər müəyyənləşib.
“Slovan” – “Qarabağ” görüşünü Stefan Yohannesson başçılıq etdiyi isveçli hakimlər briqadası idarə edəcək. Ona Fredrik Nilsson, Mehmet Culum kömək göstərəcəklər.
Qarşılaşmanın hakim-inspektoru San-marinolu Stefano Podesçi, UEFA nümayəndəsi isə Şimali irlandiyalı Roy Ketkart olacaq.
Bakıda keçiriləcək “Qəbələ” – “Anderlext” qarşılaşmasını Ukrayna Futbol Federasiyasından Yevgeni Aranovskinin başçılıq etdiyi hakimlər briqadası idarə edəcək. Ona Sergey Bekker və Aleksandr Voytyuk kömək göstərəcək.
Qeyd edək ki, Avropa Liqasında V turun oyunları noyabrın 24-də keçiriləcək.
1news.az
