Rusiyanın daha bir diplomatı öldürüldü – FOTO – VİDEO

Dünən axşam saatlarında Rusiyanın Ankaradakı səfiri Andrey Karlovun qətlə yetirilməsindən sonra bu ölkənin Xarici İşlər Nazirliyinin daha bir əməkdaşı evində ölü tapılıb.

1news.az-ın ren.tv saytına istinadən verdiyi xəbərə görə, Rusiya XİN-in keçmiş əməkdaşı, son vaxtlar isə işsiz olan Pyotr Polşikov dünən paytaxt Moskvada yaşadığı evdə ölü tapılıb.

Onun başından vurularaq öldürüldüyü bildirilir. Meyitin yanında cinayətdə istifadə edilən travmatik silah tapılıb. Polşikovun intihar etməsi, yaxud öldürülməsiilə bağlı iki versiya var.

Hadisə ilə bağlı hələ rəsmi açıqlama verilməyib.

Faktla bağlı araşdırma aparılır.

1news.az