Suriyada döyüşən Danimarkadan olan qız: İŞİD terrorçularını öldürmək çox asandır – FOTO

Danimarkadan olan tələbə Coanna Palani İraq və Suriyaya gedərək PKK-nın qolu olan YPG-yə qoşulub. Orada bir il döyüşdükdən sonra isə gənc qız ölkəsinə göndərilib.

Danimarkada siyasət elmləri fakultəsində təhsil alan Palani Suriya və İraqda İŞİD-ə qarşı döyüşdükdən sonra ABŞ və İngiltərə mediasının diqqətini cəkib.

Vice News-un verdiyi xəbərə görə, 2014-cü ildə Kopenhagendən Şimali İraqa qaçan 23 yaşlı qız PKK-nın digər qolu PYD-yə qoşulub.

Vice News-un müxbirinə yaşadıqlarını bildirən Palani “İŞİD terrorçularını öldürmək çox asandır” deyə bildirib.

Hazırda ölkəsinə qaytarılan Palani Kopenhagendə siyasət elmləri və fəlsəfə üzrə təhsilini davam etdirir.

Qeyd edək ki, Palani İran kürdü Peşmərgənin qızı və nəvəsidir. O, Ramadidə qaçqın düşərgəsində 1993-cü ildə dünyaya gəlib. Gənc qızın ailəsi Körfəz müharibəsi zamanı ölkəsini tərk ediblər.

Hurriyet