Meksikada baş verən partlayışda ölənlərin sayı 36-ya çatıb – FOTO – VİDEO – YENİLƏNİB

Meksikanın Tulpetek şəhərindəki "San Pablito" fişəng bazarında baş verən güclü partlayış zamanı həlak olanların sayı 36 nəfərə çatıb. 

Daha əvvəl ştatın qubernatoru həlak olanların sayının 29 nəfər olduğunu bildirmişdi.

Məlumata görə, bazarda ard-arda altı dəfə fişəng partlayıb. Həlak olanlar arasında uşaqlar da var.

Tulpetek şəhəri Meksikanın ən mötəbər mərkəzlərindən biri hesab edilir. Burada daha çox pirotexniki məmulatlar istehsal edilir. Partlayış baş verən bazar bu sahə üzrə ixtisaslaşmış ən iri bazarlardan biridir. Burada 300 mağaza yerləşir. Partlayış 290 mağazanı sıradan çıxarıb. Hadisə zamanı bazarda iki mindən artıq insan olub. Belə ki, onlar Milad bayramı ilə bağlı fişəng alırlarmış.

09:04

Meksikanın Mexiko ştatının Tultepek şəhərində fişəng bazarında baş vermiş partlayış və yanğın nəticəsində azı 29 nəfər həlak olub.

Hadisə nəticəsində 70-dən çox insan yaralanıb. Onların arasında 25 qadın və 10 uşaq da var.

Partlayışın səbəbi barədə hələlik məlumat verilmir.

TASS