Azərbaycan daha bir ölkədə tanıdılıb – FOTO

Dünya Azərbaycanlıları Assambleyası (DAA) İspaniya təmsilçiləri İspaniyanın Santiago de Compostela Universitetində Beynəlxalq Gün tədbiri çərçivəsində tədbir keçiriblər.

1news.az-ın məlumatına görə, 19 ölkənin, yüzlərlə insanın qatıldığı tədbirdə Azərbaycan milli mətbəxi, mədəniyyət inciləri dünyanın müxtəlif ölkələrindən gələn gənclərə təqdim edilib.

Qeyd edək ki, DAA İspaniya təmsilçiləri Kəmalə Bədəlova, Şahanə Hüseynova və Cahangir Abdullayevin yüksək fəallığı ilə hazırlanan Azərbaycan guşəsi barədə  və ölkəmiz haqqında İspaniyada nəşr olunan “el Correo Gallego” qəzetində məqalə çap olunub.

Məqalədə Azərbaycanın SSR-i dağıldıqdan sonra suveren ölkə olaraq atdığı atdımlar, milli mətbəxi və mədəniyyəti haqqında geniş məlumat verilib. İspanlar və tədbirdə iştirak edən digər xalqlar Azərbaycanın zəngin mədəniyyəti ilə tanışlıqdan sonra xeyli təəccüblənib, ölkəmiz haqqında müsbət fikirlər səsləndiriblər.

Tədbirdə iştirak edən qonaqlar Azərbaycan haqqında çox az məlumata sahib olduqlarını, ancaq bundan sonra bu ölkə ilə sıx sıx maraqlanacaqlarını bildirib, hazırlanmış olan milli mətbəxə görə Azərbaycanla bağlı maraq göstərənlərə diqqətli yanaşıb məlumat verdikləri üçün təşəkkür ediblər.

DAA İspaniya təmsilçisi Kəmalə Bədəlovanın verdiyi məlumata görə, tədbir yerli İspan telekanallarında yayımlanıb və buradakı həmvətənlilərimiz çıxış edərək ölkəmizlə bağlı məlumt veriblər.

İspaniyada nəşr olunan qəzetdə ölkəmizlə bağlı məqalə İspan oxucullarının da geniş marağına səbəb olub.

1news.az