İstanbuldakı gecə klubunda törədilmiş terror aktı nəticəsində 39 nəfər həlak olub

İstanbulun Ortaköy rayonundakı “Reina” gecə klubuna silahlı hücum olub.

1news.az-ın Anadolu agentliyinə istinadən verdiyi xəbərə görə, teror aktı nəticəsində 39 nəfər ölüb, 69 nəfər isə yaralanıb.

Artıq ölən 39 nəfərdən 21-nin şəxsiyyəti müəyyənləşib.

Türkiyənin daxili işlər naziri Süleyman Soylu bildirib ki, ölənlərin 15-i xarici ölkə vətəndaşlarıdır.

Nazir terror hadisəsinin bir nəfər tərəfindən törədildiyini bildirib. Qeyd edib ki, həmin şəxs gecə klubunda insanlara atəş açdıqdan sonra üst geyimini dəyişərək hadisə yerindən uzaqlaşıb.

Hazırda terrorçunun ələ keçirilməsi istiqamətində genişmiqyaslı tədbirlər görülür.

Qeyd edək ki, bu gecə yerli vaxtla saat 01.15 (Bakı vaxtı ilə 02.15) radələrində Santa Klaus geyimli naməlum silahlı İstanbuldakı “Reina” gecə klubuna yaxınlaşaraq, girişdə duran polis əməkdaşını və mülki şəxsi qətlə yetirib, sonra isə içəri daxil olaraq oradakı insanlara atəş açıb. Hücum zamanı gecə klubunda Yeni il bayramını qeyd edən 600-dək insan olub. Nəticədə 39 nəfər ölüb, 69 nəfər isə yaralı var.

1news.az