Azərbaycanın İstanbuldakı baş konsulluğunda “qaynar xətt” yaradılıb

Yanvarın 1-də İstanbulun Ortaköy rayonundakı “Reina” gecə klubunda törədilən terror aktı ilə əlaqədar Azərbaycanın baş konsulluğunda “qaynar xətt” yaradılıb.

1news.az-ın AZƏRTAC-a istinadən verdiyi xəbərə görə, bu barədə Azərbaycanın İstanbuldakı baş konsulu Məsim Hacıyev məlumat verib. Onun sözlərinə görə, yaralılar arasında Azərbaycanın iki vətəndaşı olub. Onlardan biri artıq evə buraxılıb.

Xatırladaq ki, terror aktı nəticəsində həlak olan 39 nəfərdən 21-nin şəxsiyyəti müəyyənləşdirilib. Onlardan 15-i xarici ölkə vətəndaşlarıdır. Xəsarət alan 65 nəfərdən dördünün vəziyyəti ağırdır.

1news.az