Zərərsizləşdirilmiş terrorçuların fotoları yayılıb – FOTO – VİDEO – YENİLƏNİB

Türkiyə KİV-i zərərsizləşdirilmiş terrorçuların fotoları dərc edib.

1news.az-ın Milliyet-ə istinadla verdiyi xəbərə görə, terrorçularda 2 döyüş mərmisi, 4 əl qumbarası və 2 tank əlehinə mərmi aşkar edilib.

Hazırda hadisə yerindən qaçmış üçüncü terrorçunun axtarışları aparılır.

Həmçinin bildirilib ki, körpü yaxınlığında şübhəli bağlama tapılıb.

18.54 

Son məlumatlara əsasən, İzmirin məhkəmə zalında baş verən partlayış nəticəsində polis və məhkəmə məmuru həlak olub.

1news.az-ın Milliyet-ə istinadla verdiyi xəbərə görə, həmçinin 10 nəfər yaralanıb.

Hazırda üçüncü terrorçunun axtarışları aparılır.

18.46

Türkiyənin İzmir şəhərində terrorçular tərəfindən həyata keçirilmiş partlayışdan sonra hadisə yerinə çoxlu sayda polis əməkdaşları gəlib.

1news.az-ın Milliyet -ə istinadla verdiyi xəbərə görə, hadisə yerində terrorçunun əlində iriçaplı silahla cəsədi aşkar edilib.

Məlumata görə, polis qısa sürən atışmadan sonra ikinci terrorçunu zərəsizləşdirib.

Hazırda üçüncü terrorçunun axtarışları aparılır.

Sağ qalan terrorçunun boyu təxminən 1,60-1,70 sm. hündürlükdə, qara dəri gödəkçədə və başında bej rəngli beret var.

18.10

Bu gün İzmirdə baş verən partlayışın ardınca polislə üç silahlı şəxs arasında atışma baş verib.

1news.az-ın “Milliyet”ə istinadən verdiyi xəbərə görə, terrorçulardan ikisi öldürülüb. Boyu 1,65 – 1,70 sm olan digər terrorçunun tutulması üçün əməliyyata başlanıb.

Əraziyə digər nəqliyyat vasitələrinin və mülki şəxslərin daxil olması qadağan edilib.

Son məlumatlara görə, partlayış nəticəsində 7 nəfər yaralanıb, yaxınlıqda dayanan avtomobillərə isə ziyan dəyib.

17:35

Bir az öncə Türkiyədə daha bir güclü partlayış baş verib.

1news.az-ın Türkiyə mətbuatına istinadən verdiyi xəbərə görə, İzmir şəhərində Ədliyyə binasının qarşısında dayanan avtomobillərin birində güclü partlayış olub.

İlkin məlumatlara görə, bomba yerləşdirilmiş avtomobilin partlaması nəticəsində 3 nəfər yaralanıb, ətrafdakı avtomobillərə ziyan dəyib. Bundan başqa hadisə yerində terrorçu olduğu ehtimal edilən şəxsin cəsədinin görüntüləri də yayımlanıb.

Hadisə yerinə təcili tibbi yardım maşınları və yanğınsöndürən birqadalar cəlb edilib.

Polis faktla bağlı araşdırmalara başlayıb.

1news.az