Erməniləri ifşa edən özbək tarixçinin müdafiəsi ilə bağlı komissiya yaradılıb – FOTO

Özbək tarixçi-publisist Şuxrat Salamovun (Barlas) hüquqlarının müdafiəsi bağlı komissiya yaradılıb.

Diasporla İş üzrə Dövlət Komitəsindən 1news.az-a verilən məlumata görə, Özbəkistanda fəaliyyət göstərən Azərbaycan Milli Mədəni Mərkəzinin rəhbəri, Dünya Azərbaycanlılarının Əlaqələndirmə Şurasının üzvü  Mobil Məmmədovun təşəbbüsü ilə yaradılan Komissiya çərçivəsində vəkillər qrupu  fəaliyyət göstərir. Vəkillər qrupuna  Özbəkistan-Azərbaycan Qadınlar Cəmiyyətinin rəhbəri, tanınmış hüquqşünas Fatimə Piriyeva rəhbərlik edir.

Qeyd edək ki, Ş.Salamov müəllifi olduğu “Qarabağ: ideyalar müharibəsi” və “Türkistan və Cənubi Qafqaz XIX-XX əsrlərdə. Daşnaklar: Fərqanədən Qarabağa qədər”  kitablarına görə təqib olunur. Belə ki, “Qarabağ: ideyalar müharibəsi” kitabda yazıçı erməni daşnaklarının öz himayəçilərinin köməyi ilə insanları ideoloji müharibəyə necə hazırladıqları barədə tarixi faktları göstərir.  İkinci kitabda isə ermənilər tərəfindən özbəklərlə bağlı törədilən qətliamdan bəhs olunur.

Hər iki kitab işıq üzü gördükdən sonra Ermənistanda və ermənilərin təzyiqi ilə Özbəkistanda Ş.Salamova qarşı kampaniya başlayıb. Tarixçi-publisist falsifikasiya, milliyyətçilikdə, pantürkizm, fırıldaqçılıqda ittiham edilən tarixçi-publisist haqqında əsassız böhtanlar yayılır, ekstremist qruplarla əlaqədə günahlandırılır, şərəf və ləyaqəti təhqir olunur.

Erməni icmasının nümayəndələri hətta onun evinə hücum edərək şüşələrini sındırıblar. Hətta rəsmi Yerevanın və erməni icmasının təsiri ilə Ş.Salamov barəsində millətlərarası nifrətin qızışdırılması maddəsi üzrə cinayət işi qaldırılması məsələsi gündəmdədir.

1news.az