Goranboyda mənzildə partlayış: xəsarət alanlar var

Goranboyda təbii qaz sızması partlayışa səbəb olub.

1news.az Daxili İşlər Nazirliyinə (DİN) istinadən xəbər verir ki, Goranboy rayonunun Quşçular kəndində yaşayan Vəfa Məmmədovanın evində təbii qazın sızmasından yanğına keçən partlayış baş verib.

Nəticədə 2 kvm. sahədə evin döşəməsi yanıb, V.Məmmədova və qızı Filiz xəstəxanaya yerləşdiriliblər, vəziyyətləri orta-ağırdır.

1news.az