Həmyerlisini döyərək öldürən şəxsin digər cinayəti də üzə çıxıb

Tərtər rayon sakinini döyərək öldürən şəxsin 3 il bundan əvvəl başqa bir qətl hadisəsi törətdiyi də məlum olub.

1news.az Daxili İşlər Nazirliyinə istinadən xəbər verir ki, Baş Cinayət Axtarışı İdarəsi, Baş Mütəşəkkil Cinayətkarlıqla Mübarizə İdarəsi və Tərtər Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində ötən il oktyabrın 11-də Tərtər rayon sakini Səxavət Musayevi döyərək qətlə yetirməkdə şübhəli bilinən Səxavət Orucov tutulub.

Ətrafında aparılan əməliyyat tədbirləri ilə onun 2014-cü il fevralın 19-da Sənan Mirzəyevə tüfəngdən atəş açaraq qətlə yetirməsi də müəyyən edilib.

Hər iki fakt üzrə araşdırmalar davam etdirilir.

1news.az