Mübariz Əhmədoğlu: Qlobal indekslərdə Ermənistanın reytinqi getdikcə pisləşir
“Transparency International”-ın 2016-cı il üçün qlobal reytinqində Ermənistan 2015-ci ilə nisbətən 18 pillə geriləyərək, 176 ölkə arasında 113-cü yerdədir. Böyük Britaniyanın «The Economist» jurnalının analitik qrupu olan “The Economist Intelligence Unit" mərkəzinin “Demokratiya indeksi-2016” illik məruzəsində Ermənistan avtoritar rejimlər sırasına daxil edildi.
1news.az-ın məlumatına görə, bunu Siyasi İnnovasiya və Texnologiyalar Mərkəzinin sədri, politoloq Mübariz Əhmədoğlu Ermənistandakı vəziyyəti şərh edərkən bildirib:
“10 ballıq reytinq şkalasında 2015-ci ilə nisbətən 0,12 bal geriləyərək 3,88 bal toplayaraq 167 ölkə arasında 120-ci oldu. “Freedom House”-nin “İnternet azadlığına” görə də Ermənistan 2 pillə geriləyib. “Freedom House”-nin siyasi və mətbuat azadlıqları üzrə açıqlamasında da Ermənistan 2015-ci ildəki mövqelərini itirib.
Ermənistanın “reytinq” xəstəliyi sağalmayıb, “reytinq dalınca qaçmaq” ehtirası sönməyib: Ermənistan özünü BMT-nin 2017-ci il Şərəf siyahısına (Honour roll) daxil edə bildi. Bu məqsədlə 2017-ci ilin illik üzvlük haqqını (151 min 338 dollar) yanvar ayında tam həcmdə BMT-nin büdcəsinə ödədi. Yanvarın 10-dək bu siyahıda cəmi 9 dövlət yer almışdı”.
Politoloq qeyd edib ki, yuxarıda sadalananlardan ən azı iki nəticə çıxarmaq mümkündür:
Ermənistanın saxta əməllərinə don geydirmək cəhdləri dünya erməniliyinin özünü nüfuzdan salıb. Beynəlxalq təşkilatlar erməni diasporunu saya salmır. Dünya erməniliyi ilə Ermənistan rəhbərliyi arasında kifayət qədər ciddi problemlər var. “Sasna srer” hadisələri zamanı baş verənlər dünya erməniliyi qarşısında Qarabağ klanın iç üzünü tamamilə açdı.
Ermənistanın qlobal indekslərdə vəziyyətinin getdikcə pisləşməsi, başqa sözlə reallığa yaxınlaşması müşahidə olunur.
Ermənistan Azərbaycana lazım olan istiqamətdə hərəkət edir”.
1news.az
