Yaponiyada helikopter qəzaya uğrayıb
Yaponiyada xilasedicilər martın 6-da bir gün əvvəl Naqanoda qəzaya uğramış “Bell 412” helikopterinin daha dörd sərnişinini huşsuz vəziyyətdə aşkar ediblər.
Göyərtəsində yeddi yanğınsöndürən, bir pilot və mühəndisin olduğu heikopter martın 5-də Naqano prefekturasının Matsumoto aeroportundan havaya qalxıb. Helikopterin 20 dəqiqədən sonra dağdakı ehtiyat meydançaya enməsinin nəzərdə tutulduğu bildirilir.
Təyin edilmiş vaxtdan 30 dəqiqə sonra helikopterlə əlaqə yaratmaq mümkün olmadıqda xilasedici mərkəz kömək üçün polisə müraciət edib. İki saat sonra helikopter həmin prefekturada yerləşən Haçibusi dağının şərq yamacında aşkarlanıb.
Həkimlər hələlik helikopterin göyərtəsində olanlardan yalnız üçünün öldüyünü təsdiq ediblər.
TASS
