“Zirə” 3 futbolçu ilə yollarını ayırdı

Avropa Liqasına vəsiqə qazanan “Zirə” heyətlə bağlı çalışmalara start verib.

1news.az-ın klubun rəsmi saytına istinadən yaydığı xəbərə görə, komandanın baş məşqçisi Ayxan Abbasov müqaviləsi başa çatan 3 futbolçu ilə yolları ayırmağı qərara alıb.

Belə ki, sözləşməsi başa çatan Tural Cəlilov və Yamin Ağakərimzadə ilə yanaşı, icarə müddəti bitən Migel Lorensoya yeni müqavilə təklif olunmayıb.

1news.az