Azərbaycan “Yalquzaq” snayper tüfənginin ixracına başlayır
Azərbaycan Müdafiə Sənayesi Nazirliyi “Yalquzaq” snayper tüfənginin ixracına başlayır.
1news.az xəbər verir ki, bu barədə APA-ya müdafiə sənayesi naziri Yavər Camalov bildirib.
Nazirin sözlərinə görə, bir neçə xarici ölkədən “Yalquzaq” tüfəngi üçün böyük həcmli sifarişlər alınıb. Hazırda sifarişlərin icrası istiqamətində işlər gedir.
Y. Camalov silahın Azərbaycanda Sərhəd Qoşunlarına da verildiyini qeyd edib.
Y. Camalov bildirib ki, “Yalquzaq” texniki-taktiki imkanlarına görə öz sinfindəki bir çox tüfəngləri üstələyir. Azərbaycanın NATO kalibrində (7.62x51mm) ilk silahı olan “Yalquzaq” tam olaraq yerli mütəxəssislər tərəfindən yaradılıb.
Babək Cahandarov
2515
