Kilsədə Pokemon Go oynadığı üçün 3,5 il həbs cəzası aldı - VİDEO

Rusiyanın Yekaterinburq vilayətində yaşayan 22 yaşlı blogger Ruslan Sokolovsoyu üç il yarım azadlıqdan şərti olaraq məhrum olunub.

1news.az-ın euronews-a istinadla verdiyi xəbərə görə, Ruslan ötən ilin yayında sosial şəbəkələrə video yerləşdirib. Videoda o, Yekaterinburqdakı məbəddə Pokemon Go oynadığı yer alıb. Həmçinin videoda senzuradankənar sözlər və təhqiramiz ifadələrlə şərhlər olub.

Buna görə də, Sokolovsoya qarşı Rusiyanın Cinayət Məcəlləsinin üç maddəsi - insanlıq dəyərlərinin dağıdılması, din və vicdan azadlığı hüququnun pozulması, eləcə də informasiyanın gizli alması üçün nəzərdə tutulmuş texniki vasitələrinin qanunsuz dövriyyəsi  üzrə cinayət işi açılıb.

Rayon Prokurorluğu tamamilə azadlıqdan məhrumetmə cəzasının verilməsini tələb etsə də, məhkəmə onu şərti olaraq cəzalandırıb.

Bundan əlavə, Sokolovsoyun adı ekstremistlər siyahısına salınıb: onun bank hesabları dondurulub, ölkədən çıxışı da məhdudlaşdırılıb.

Baş vermiş hadisəni Yekaterinburq meri Yevgeni Royzman “təhlükəli” adlandırıb.

S.Xankişiyeva