Parlament "2016-cı il üçün dövlət büdcəsinin icrası haqqında" qanun layihəsini qəbul edib

Milli Məclisin bugünkü plenar iclasında "2016-cı il üçün dövlət büdcəsinin icrası haqqında" qanun layihəsi və dövlət büdcəsinin icrasına dair illik hesabat müzakirə edilib.

1news.az xəbər verir ki, millət vəkilləri "2016-cı il üçün dövlət büdcəsinin icrası haqqında" qanun layihəsi və dövlət büdcəsinin icrasına dair illik hesabatla öz münasibətlərini bildiriblər.

 Maliyyə naziri Samir Şərifov  bildirib ki, Prezident İlham Əliyevin rəhbərliyi altında 2016-cı ildə mühüm sosial vəzifələr icra olunub. "İqtisadiyyatın yeni reallıqlara adaptasiya baş verib", - deyə nazir qeyd edib.

 Müzakirələrdən sonra adıçəkilən qanun layihəsi və dövlət büdcəsinin icrasına dair illik hesabat səsə qoyularaq qəbul edilib.

1news.az