Zəncirlənərək saxlanılan qadının xilas anı - VİDEO

ABŞ-da bir konteynerdə bağlı saxlanılan və dəfələrlə təcavüzə məruz qalan gənc qadının xilas edilməsi əməliyyatının görüntüləri yayılıb.

1news.az “haberturk.tv”yə istinadla xəbər verir ki, 30 yaşlı Kala Broun yaşıdı olan sevgilisi Çarlis David Karter ilə  keçən ilin sentyabr ayında Cənubi Karolina ştatında itkin düşüb. Onlardan iki ay ərzində xəbər tutmaq mümkün olmayıb.

Brounun mobil telefon siqnalları itkin düşdükləri bölgəni göstərdikdən sonra Cənubi Karolina polisi axtarışlara başlayıb.

Onlar meşədəki nəhəng bir metal konteynerdən qışqırtı səsləri eşidərək, əməliyyata başlayıblar. Polis gənc qadını boynundan zəncirlə bağlanmış halda tapıb. Əməliyyatdan çəkilmiş görüntülər polisin icazəsi ilə yayımlanıb.

Kala Broun və Çarles David Karterin 46 yaşındakı Todd Kohlhepp tərəfindən qaçırıldığı ortaya çıxıb. Kohlhepp Çarlesi öldürüb, Kalaya isə iki ay ərzində dəfələrlə təcavüz edib.

İndiyə qədər 7 adamı öldürdüyünü etiraf edən Todd Kohlhepp, ömürlük həbs cəzasına məhkum olunub.

1news.az