Almaniya səfiri Abşeronda olub - FOTO
Almaniyanın Azərbaycandakı səfiri Mixael Kindsqrab bölgələrə müntəzəm səfər proqramı çərçivəsində Abşeron rayonunda olub.
1news.az-a səfirlikdən verilən məlumata görə, diplomat orada icra başçısı xanım İradə Gülməmmədova ilə görüşüb və Abşeronda siyasi, iqtisadi inkişaf məsələləri və qadınların Azərbaycan siyasətində rolu mövzularında fikir mübadiləsi aparıb.
Səfər çərçivəsində səfir Kindsqrab istehsal müəssisələri ilə tanış olub. “Milla” süd zavodunda ona Azərbaycan süd məhsullarının çıxarıldığı ənənəvi və yeni bazarlar haqqında məlumat verilib. Digər bir zavodda alman nümayəndə heyətinə müxtəlif emal və qablaşdırma proseslərini nümayiş etdirilib. Abşerona məxsus olan ən səciyyəvi xüsusiyyətlərindən biri orada çoxsaylı duz göllərinin olmasıdır.
Səfir Kindsqrab səfərin sonunda bir neçə ildir ki mövcud olan Masazır duz zavodu ilə tanış olub.
Mixael Kindsqrab 2016-cı ilin avqust ayından Almaniya Federativ Respublikasının Bakıdakı səfiridir. Səfir Kindsqrab diplomatik fəaliyyəti çərçivəsində müntəzəm olaraq ölkənin bölgələrinə səfərlər həyata keçirir.
.jpg)
Pərvanə Sultanova
