İndoneziyada vulkan püskürməsi nəticəsində 10 turist yaralanıb

İndoneziyanın Mərkəzi Yava əyalətində vulkan püskürməsi nəticəsində xəsarət alanlar var.

1news.az-ın  məlumatına görə, bu barədə mərkəzi hakimiyyət orqanlarının nümayəndələri məlumat veriblər.

Milli Vulkanologiya Agentliyinin rəhbəri Kaşbaninin bildirdiyinə görə, vulkan püskürən zaman turistlər Saleri kraterindən 15 metr məsafədə olublar.

Təbii Fəlakətlərin İdarə Olunması Milli Agentliyinin rəhbəri Sutopo Purvo Nuroho isə deyib ki, təbii fəlakət nəticəsində 10 turist xəsarət alıb və onlar xəstəxanaya yerləşdiriliblər.

1news.az