Bakı-Sumqayıt yolunda dəhşətli qəza –VİDEO

Bakı-Sumqayıt yolunda ölümlə nəticələnən yol qəzası baş verib.

1news.az-ın Lent.az-a istinadən verdiyi xəbərə görə, yolun 11-ci kilometrliyində - Abşeron rayonu ərazisində “Toyota Prado” markalı avtomobil “KamAZ” markalı yük maşınına çırpılıb.

Bu zaman yük avtomobilinin arxasında dayanmış 1991-ci il təvəllüdlü Faiq Bədəlov arxaya hərəkət edən nəqliyyat vasitəsinin altında qalıb. O, hadisə yerində vəfat edib.

Faktla bağlı cinayət işi açılıb, araşdırma aparılır.

Babək Cahandarov