Evindən getmək istəməyən qonağı öldürdü YENİLƏNİB

Bakı şəhərinin Nəsimi rayonu ərazisində baş vermiş qətl hadisəsi ilə bağlı maraqlı məqamlar üzə çıxıb.

1news.az Lent.az-a istinadla xəbər verir ki, İmran Qasımov küçəsi ev 7, mənzil 5 ünvanında 1972-ci il təvəllüdlü Həsənov Malik Urman oğlu münaqişə zəminində 1951-ci il təvəllüdlü Səlimov Zakir Hüseyn oğlunu döyərək öldürərkən hər iki şəxs sərxoş vəziyyətdə olub.

Bildirilir ki, hadisənin baş verdiyi mənzil Malik Həsənova məxsusdur. Dünən tanışı Zakir Səlimov onun evinə qonaq gəlib. Qeyri-stabil həyat tərzi sürən və içkiyə meylli olan dostlar burada yeyib-içiblər. Daha sonra M.Həsənov 66 yaşlı Zakirdən evi tərk etməsini tələb edib. Tək qalmaq istədiyini və istirahət edəcəyini deyən M.Həsənov qonağın getmək istəmədiyini görüncə onunla mübahisə edib. Mübahisə daha sonra münaqişəyə çevrilib və 45 yaşlı Malik taxta parçası ilə qonağın başına 3-4 ağır zərbə endirib. Z.Səlimov hadisə yerindəcə keçinib.

Cinayəti törədən M.Həsənov daha sonra könüllü olaraq polis bölməsinə gedərək törətdiyi əməli etiraf edərək təslim olub.

 Araşdırmalar davam etdirilir.

1news.az

9:56

Bakıda qətl hadisəsi baş verib.

1news.az APA-ya istinadla xəbər verir ki, bu barədə Nəsimi rayon Polis İdarəsindən məlumat verilib.

İmran Qasımov küçəsi ev 7, mənzil 5 ünvanında 1972-ci il təvəllüdlü Həsənov Malik Urman oğlu münaqişə zəminində 1951-ci il təvəllüdlü Səlimov Zakir Hüseyn oğlunu döyərək öldürüb.

Polis əməkdaşları tərəfindən M. Həsənov saxlanılıb və barəsində cinayət işi başlanılıb. Faktla bağlı araşdırma aparılır. 

1news.az