Rusiya Azərbaycan və Ermənistan prezidentlərinin görüşünün əsas təşkilatçısı olacaq
Rusiya Azərbaycan və Ermənistan prezidentləri İlham Əliyev və Serj Sarkisyanın ilin sonuna kimi görüşünün keçirməyə çalışır.
1news.az xəbər verir ki, bu barədə "İzvestiya" qəzetinə Rusiya Xarici İşlər Nazirliyindəki mənbə bildirib.
Məlumatda vurğulanıb ki, Moskva nəzərdə tutulan görüşünün əsas təşkilatçısı olacaq:
"Moskva bu məsələdə əsas vasitəçi olacaq. ATƏT-in Minsk qrupunun digər üzvləri,ABŞ və Fransanın Bakı və İrəvanı danışıqlar üçün bir araya gətirmək cəhdləri uğursuz olub".
Mənbənin sözlərinə görə, Fransa Azərbaycan və Ermənistanı danışıqlar masası arxasına dəvət edib, amma bunun heç bir xeyri olmayıb:
Dialoqun dəstəklənməsi çox vacibdir. Məhz buna görə regionda böyük miqyaslı müharibə baş verməyib. Lakin yenə də tərəflərin məqsəd və baxışları fərqli olaraq qalır".
Pərvanə Sultanova
