Elmar Məmmədyarov Yunanıstan səfirini qəbul edib

Xarici işlər naziri Elmar Məmmədyarov Yunanıstan Respublikasının Azərbaycan Respublikasındakı səfiri Dimitrios Tsounqası diplomatik fəaliyyətinin başa çatması münasibətilə qəbul edib.

1news.az-a XİN-in mətbuat xidmətindən verilən xəbərə görə, səfir Dimitrios Tsounqas diplomatik fəaliyyəti müddətində ona göstərilən dəstəyə görə təşəkkürünü bildirib və Azərbaycan və Yunanıstan arasında mövcud olan dostluq münasibətlərinin daha da inkişaf etdirilməsi istiqamətində səylərini əsirgəmədiyini vurğulayıb.

Nazir Elmar Məmmədyarov səfir Dimitrios Tsounqasa gələcək fəaliyyətində uğurlar arzu edib.

S.Xankişiyeva