Bakıda “Lexus” ağır qəza törətdi - ölən var

Bakıda ağır yol qəzası baş verib.
 
1news.az  Lent.az-a istinadən xəbər verir ki, Xəzər rayonu ərazisində - dəniz sahilinə gedən yolda “90 AA 159”  dövlət qeydiyyat nişanlı “Lexus” yolu keçən piyadanı vurub. Ağır xəsarət alan 45 yaşlı kişi hadisə yerində ölüb.
 
Faktla bağlı Xəzər rayon Polis İdarəsində cinayət işi açılıb, araşdırma aparılır.
 
Qeyd edək ki, qəzanı törədən avtomobil özəl şirkətlərdən birinə məxsusdur.

1news.az